Մինոքսիլ - Մինօքսիդիլի լուծույթ 5%

Մինոքսիլ

Մինօքսիդիլի լուծույթ 5%

Մազերի աճը խթանող միջոց

Բաղադրություն.

Լուծույթի յուրաքանչյուր 100մլ պարունակում է 5գ մինօքսիդիլ:

Օժանդակ նյութեր՝ պրոպիլենգլիկոլ, էթիլ սպիրտ, լավանդայի յուղ, մաքրված ջուր:

Ցուցումներ.

Մինոքսիլը տեղային կիրառման լուծույթ է, որն արդյունավետ է մազաթափության, ճաղատության և օջախային ճաղատության դեպքերում:

Կիրառման եղանակ.

Մինոքսիլը միայն արտաքին կիրառման համար է:

Փչել 1 մլ (10 ցողում) Մինոքսիլի լուծույթ օրական 2 անգամ չոր գլխամաշկի մազաթափ հատվածի կենտրոնում և տարածել մերսող շարժումներով, որից հետո լավ լվանալ ձեռքերը: Ազդեցությունն առավել զգալի է, երբ Մինոքսիլը կիրառվում է մազաթափության սկզբնական շրջանում:

Առավելություններ. Ցուցաբերում է անոթալայնիչ ազդեցություն, որի շնոևհիվ բարելավում է մազային ֆոլիկուլների սնուցումը:

Խթանում է հարֆոլիկուլյար մազանոթային աճի համար պատասխանատու անոթային էնդոթելի աճի գործոնը՝ նպաստելով նյութափոխանակային ակտիվության բարձրացմանը:

Չեզոքացնում է դիհիդրոտեստոստերոնի ազդեցությունը և նվազեցնում է ֆոլիկուլների զգայունությունը վերջինիս նկատմամբ: Խթանում է նոր մազերի աճը: Անմիջականորեն ազդում է մազի կյանքի ցիկլի փուլերի հերթափոխի վրա, ինչի հետևանքով ֆոլիկուլների մեծ մասը դեգրադացիայի և հանգստի փուլից անցում են կատարում աճման փուլ:

Խթանում և երկարացնում է մազի աճման փուլը՝ ամրացնելով և հաստացնելով մազերը:

Հակացուցումներ.

Որևէ բաղադրիչի նկատմամբ գերզգայունություն, զարկերակային գերճնշում, բորբոքված գլխամաշկ, մաշկաբորբ, պսորիազ և արևայրուք, հղիություն և կրծքով կերակրում, 18 տարեկանից ցածր անձինք: Չկիրառել գլխից բացի մարմնի այլ մասերում:

Անցանկալի ազդեցություններ.

Քոր, մաշկի գրգռում, հազվադեպ՝ մաշկի գերզգայունություն:

Թողարկման ձև. Մինոքսիլի յուրաքանչյուր տուփ պարունակում է 60մլ 5% լուծույթ և մեկ ցողացիր պոմպ:

Պահպանման պայմաններ. Պահել մինչև 30°C-ում, երեխաների համար անհասանելի վայրում: Հրավտանգ է, պահել ջերմությունից և կրակից հեռու:

Արտադրող. Ե. Ի. Պ. Ի. Քո. ք. Ռամադան 10, Արդյունաբերական տարածք Բ1, փոստարկղ №149, Տենթ, Եգիպտոս: