Այս պատվաբեր մրցանակը տրվում է այն կազմակերպություններին, որոնք բազմիցս ապացուցել են իրենց կողմից տրամադրված ծառայությունների բարձր որակն ու մրցունակությունը:

«Եվրոպական Որակ» անվանակարգն առաջադրվում է Եվրոպայի Բիզնես Գագաթնաժողովի կողմից` հիմնված վիճակագրական և խորհրդատվական տվյալների, ինչպես նաև ԵԲԱ գործընկերների առաջարկությունների վրա:

«Տոնուս-Լես» ընկերությունն իր տասնամյա գործունեության ընթացքում հավատարիմ է եղել իր կարգախոսին`«Կենսունակության և Առողջության Գրավական»՝ մշտապես իր սպառողին տրամադրելով որակյալ դեղորայք և բժշկական պարագաներ:

Հպարտությամբ կարող ենք ասել, որ այսօր ընկերությունը հայաստանյան շուկայի առաջատարներից է և ունի իր ուրույն տեղն ու դիմագիծը` շնորհիվ դինամիկ զարգացման: Ընկերության գործունեությունն ընդգրկում է դեղի արտադրությունից մինչև մանրամեծածախ վաճառքի ամբողջ շրջափուլը.

• Պայմանագրային հետազոտական կազմակերպություն և սեփական ապրանքանիշով դեղամիջոցների արտադրություն
• Առաջատար դեղագործական ընկերությունների պաշտոնական և բացառիկ ներկայացուցիչ Հայաստանում, Վրաստանում և Ղազախստանում
• Դեղատնային ցանց
• Դեղերի մեծածախ վաճառք
• «Դեղերի կենսահամարժեքության հետազոտության կլինիկա»:

Իր գործունեության ընթացքում «Տոնուս-Լես»-ը բազմաթիվ անգամներ է արժանացել տարբեր մրցանակների, պատվոգրերի, շնորհակալագրերի, անգամ Օքսֆորդում կայացած Եվրոպայի Բիզնես Գագաթնաժողովի կողմից արժանանացել է ‹‹Եվրոպական որակ›› պատվաբեր մրցանակին: «Տարվա Դեղագործական Ընկերություն» մրցանակն էլ կդառնա «Տոնուս-Լես»-յան հաղթական պատմության կերտման ճանապարհի կարևոր բաղադրիչներից մեկը: