Էտորիկոքսիբ 90 մգ

Տոնոքսիբը կիրառվում է քրոնիկ բորբոքային ցավի արդյունավետ և երկարատև վերահսկման համար։

Բաղադրություն․ 1 դեղահատը պարունակում է 90 մգ էտորիկոքսիբ։

Ֆարմակոթերապևտիկ խումբ․ ոչ ստերոիդային հակաբորբոքային միջոց (ՆՊՎՍ), սելեկտիվ COX-2 ինհիբիտոր։

Ցուցումներ․

Տոնոքսիբը կիրառվում է 16 տարեկանից բարձր անձանց մոտ․

• հոդերի և մկանների ցավի և բորբոքման նվազեցման համար օստեոարթրիտի դեպքում:
• ռևմատոիդ արթրիտի դեպքում,
• անկիլոզացնող սպոնդիլիտի դեպքում,
• պոդագրայի (հոդատապի) դեպքում,

• կարճաժամկետ՝ միջին աստիճանի ցավի բուժման համար ատամնաբուժական միջամտություններից հետո։ 

Դեղաչափը և կիրառումը․ Տոնոքսիբը պետք է ընդունել միայն բժշկի նշանակմամբ։ Չգերազանցել խորհուրդ տրված դեղաչափը։
Խորհուրդ է տրվում կիրառել նվազագույն արդյունավետ դեղաչափը և հնարավորինս կարճ ժամանակով։

Դեղաչափերը․

• օստեոարթրիտ՝ 30 մգ օրական 1 անգամ, անհրաժեշտության դեպքում՝ մինչև 60 մգ օրական,
• ռևմատոիդ արթրիտ՝ 60 մգ օրական 1 անգամ, անհրաժեշտության դեպքում՝ մինչև 90 մգ,
• անկիլոզացնող սպոնդիլիտ՝ 60 մգ օրական 1 անգամ, անհրաժեշտության դեպքում՝ մինչև 90 մգ,

• սուր ցավային վիճակներում կիրառել միայն սուր ցավի շրջանում․

• պոդագրա՝ 120 մգ օրական 1 անգամ, առավելագույնը՝ 8 օր

• ատամնաբուժական միջամտությունից հետո ցավ՝ 90 մգ օրական 1 անգամ, առավելագույնը՝ 3 օր։ 

Տոնոքսիբի ազդեցության սկիզբը կարող է ավելի արագ լինել, եթե այն ընդունվում է առանց սննդի։

Հակացուցումներ․
Տոնոքսիբը չի կիրառվում՝

• էտորիկոքսիբի, այլ ՆՊՎՍ-ների (ներառյալ ասպիրինը) կամ դեղի բաղադրիչների նկատմամբ գերզգայունության դեպքում,

• ստամոքսի կամ աղիների խոցի կամ արյունահոսության դեպքում,

• լյարդի կամ երիկամների ծանր հիվանդությունների դեպքում,

• հղիության, կրծքով կերակրման շրջանում, ինչպես նաև՝ մինչև 16 տարեկան անձանց համար,

• աղիքների բորբոքային հիվանդությունների դեպքում,

• չկարգավորվող բարձր զարկերակային ճնշման դեպքում,

• սրտանոթային հիվանդությունների դեպքում (սրտային անբավարարություն, ստենոկարդիա), ինչպես նաև՝ ինֆարկտի, ինսուլտի կամ ծայրամասային անոթների հիվանդությունների դեպքում։ 

Ազդեցության առանձնահատկություն․ երկարատև ազդեցություն՝ մինչև 24 ժամ

Պահպանման պայմանները․ պահել չոր, երեխաների համար անհասանելի վայրում՝ մինչև +30°C ջերմաստիճանում։
Չօգտագործել պիտանիության ժամկետի ավարտից հետո (նշված տուփի և բլիստերի վրա)։

Փաթեթավորում․ կլոր, երկկողմ ուռուցիկ, թաղանթապատ դեղահատեր՝ սպիտակ կամ գրեթե սպիտակ գույնի։ 10 դեղահատ՝ բլիստերում (Ալյու-Ալյու), 3 բլիստեր՝ ստվարաթղթե տուփում՝ ներդիր թերթիկի հետ միասին։

Արտադրող․ «MASH FOR PHARMACEUTICAL INDUSTRIES & COSMETIC (MASH PREMIERE)», 3-րդ արդյունաբերական գոտի, մաս 54/2, Բադր քաղաք, Եգիպտոս։