Դեղաբուժական խումբ. Ընդլայնված սպեկտրի պենիցիլիններ:

 

Ցուցումներ.

Ամօքսիցիլինը նշանակվում է մեծահասակներին և երեխաներին հետևյալ ինֆեկցիաների բուժման համար.

 

• Սուր բակտերիալ սինուսիտ
• Սուր միջնականջաբորբ
• Սուր ստրեպտոկոկային նշիկաբորբ և ֆարինգիտ
• Քրոնիկական բրոնխիտի սրացումներ
• Արտահիվանդանոցային թոքաբորբ
• Սուր ցիստիտ
• Հղիության ժամանակ ոչ սիմպտոմատիկ բակտերիամիզություն
• Սուր պիելոնեֆրիտ (ավազանաերիկամաբորբ)
• Տիֆեր և պարատիֆեր
• Ատամնային թարախակույտ տարածվող բջջանքաբորբով
• Պրոթեզավորումից առաջացած ինֆեկցիաներ
• Helicobacter pylori-ի էռադիկացիա
• Լայմի հիվանդություն

 

Ամօքսիցիլինը ցուցված է նաև էնդոկարդիտի զարգացումը կանխարգելելու համար:

 

Կիրառման եղանակ և դոզավորում.  Ըստ բժշկի ցուցման: Ներքին ընդունման համար:

Ինդիվիդուալ վարակների բուժման համար ամօքսիցիլինի դոզան ընտրելուց պետք է հաշվի առնել.

• Ախտածին մանրէները և դրանց հավանական զգայունությունը հակամիկրոբային միջոցների նկատմամբ
• Ինֆեկցիայի ծանրության աստիճանը և տեղակայումը
• Հիվանդի տարիքը, քաշը և երիկամների ֆունկցիոնալ վիճակը

 

Բուժման տևողությունը պետք է որոշվի ըստ ինֆեկցիայի տեսակի և հիվանդի պատասխան ռեակցիայի, և  ընդհանուր առմամբ, պետք է լինի հնարավորինս կարճ:

 

Հակացուցումներ. Գերզգայունություն ակտիվ նյութի կամ պենիցիլինի շարքի այլ հակաբիոտիկների կամ օժանդակ նյութերի նկատմամբ: Այլ բետա-լակտամային միջոցների (օր. ցեֆալոսպորիններ, կարբապենեմ, մոնոբակտամ) նկատմաբ ծանր և անմիջապես զարգացած գերզգայունության ռեակցիաներ (օր. անաֆիլաքսիա)՝ նախկինում:

Զգուշությամբ.  Հատուկ զգուշություն պետք է ցուցաբերվի այն հիվանդների հանդեպ ում մոտ նկատվում են. գերզգայունություն,  ոչ զգայուն միկրոօրգանիզմներ, ցնցումներ, երիկամային անբավարարություն, մաշկային ռեակցիաներ, Jarisch-Herxheimer-ի ռեակցիա , ոչ-զգայուն միկրոօրգանիզմների գերաճ: 

Թողարկման ձև. 250 կամ 500 մգ 10 ժելատինե դեղապատիճ բլիստերում: 100 (10x10) դեղապատիճ ստվարաթղթե տուփի մեջ ներդիր թերթիկի հետ միասին:

Պահպանման պայմաններ. Պահել խոնավությունից և սառեցումից պաշտպանված, 30°С- ից ցածր ջերմաստիճանային պայմաններում:

Արտադրող. «Տրոգե Մեդիկալ», Գերմանիա:

Տես նաև. http://www.trogemedical.de/