ՄԻԶԱՔԱՐԱՅԻՆ ՀԻՎԱՆԴՈՒԹՅԱՆ ԲՈՒԺՄԱՆ ԸՆՏՐՈՒԹՅԱՆ ԴԵՂԱՄԻՋՈՑ

Ընդունել միայն բժշկի ցուցմամբ

Բաղադրություն. 1 գաստրոռեզիստենտ պատճում' α-պինեն 24.8մգ, β-պինեն 6.2մգ, կամֆեն 15.0մգ, բորնեոլ 10.0մգ, անեթոլ 4.0մգ, ֆենխոն 4.0մգ, ցինեոլ 3.0մգ:

Դեղաբուժական խումբ. Քարալույծ, կծկանքալույծ և միզամուղ դեղամիջոց:

Դեղաբանական հատկություններ. ՌՈՎԱՏԻՆԵՔՍ®-ը նպաստում է երիկամային և միզուղիների քարերի տարրալուծմանն ու դուրսբերմանը: Դեղամիջոցի ակտիվ բաղադրիչները՝ տերպենները, լինելով ճարպալույծ, արագ յուրացվում են, վերածվում ակտիվ մետաբոլիտների (գլյուկուրոնիդներ), որոնք դուրս են բերվում մեծ մասամբ մեզով: Դա բարձրացնում է մեզի մեջ պաշտպանիչ կոլոիդների և գլյուկուրոնաթթվի պարունակությունը, ինչն ունի և՜ բուժիչ, և՜ կանխարգելիչ նշանակություն: Գլյուկուրոնիդները բարձրացնում են կալցիումի աղերի (միզաքարերի 75-80%) լուծելիությունը: ՌՈՎԱՏԻՆԵՔՍ®-ը նաև թողնում է կծկանքալույծ ազդեցություն, թուլացնում ցավերը երիկամային և միզածորանային խիթերի ժամանակ, ուժեղացնում երիկամների արյան շրջանառությունը, բարելավելով դրանց ֆունկցիան և թողնելով միզամուղ ադեցություն: ՌՈՎԱՏԻՆԵՔՍ®-ն օժտված է նաև հակաբորբոքային, հակամանրէային ազդեցությամբ: