• Նևրիտներ, նյարդարմատաբորբ (ռադիկուլիտ), գոտկացավ, իշիալգիա
• Վիրահատական միջամտություններ, վնսավածքներ;
• Բարձիկաբորբեր (բուրսիտներ), ջլաբորբեր (թենդինիտներ), մկանաբորբեր;
• Երիկամային և լեղապարկային սուր ցավ (կոլիկ)
• Ոսկրահոդախտ, ռևմատոիդ հոդաբորբ;
• Հոդատապ, Բեխտերևի հիվանդություն;
• Ատամնացավեր, գլխացավեր, միգրեն;
• Ալգոդիսմենորեա, գինեկոլոգիական ցավային համախտանիշներ:

Հակացուցումներ.

• Գերզգայունություն դիկլոֆենակի, այլ ոչ ստերոիդային հակաբորբոքային միջոցների կամ դեղամիջոցի ցանկացած բաղադրիչի նկատմամբ;
• Խոց, ստամոքսաղիքային արյունահոսություններ` առկա կամ անամնեզում;
• Ծանր երիկամային, լյարդային և սրտային անբավարարություն;
• Սրտի իշեմիկ հիվանդություն, ծայրամասային կամ գլխուղեղի անոթների հիվանդություն;
• Հղիության վերջին եռամսյակ;
• Խորհուրդ չի տրվում մինչև 18 տարեկան երեխաներին և դեռահսաներին;
• Հեղձուկ (ասթմա)` անամնեզում (ներերակային ինֆուզիաների դեպքում);
• Հեմորագիայի բարձր ռիսկ ունեցող վիրահատություններ (ներերակային ինֆուզիաների դեպքում);
• Հիպովոլեմիա կամ ջրազրկում (ներերակային ինֆուզիաների դեպքում):

Կիրառման եղանակ և դոզավորում.

• Ներմկանային ներարկում. 1 սրվակ օրական մեկ անգամ (ծանր դեպքերում՝ օրական 2 անգամ), առավելագույնը՝ 150 մգ/օրական (2 սրվակ):
• Երիկամային սուր ցավեր. 1 սրվակ՝ ներմկանային, անհրաժեշտության դեպքում կարելի է ներարկել երկրորդ սրվակը՝ 30 րոպեից:
• Հետվիրահատական ցավերի դեպքում. 1 սրվակ՝ ներերակային ինֆուզիայի ձևով՝ 30 րոպեից մինչև 2 ժամվա ընթացքում: Անհրաժեշտության դեպքում ներարկումը կարելի է կրկնել 4-6 ժամ հետո՝ չգերազանցելով 150մգ/օրական դեղաչափավորումը:
• Հետվիրահատական ցավերի կանխարգելում. վիրահատությունից հետո 25-50մգ՝ ներերակային ինֆուզիայի ձևով՝ 15 րոպեից մինչև 1 ժամվա ընթացքում, որից հետո կարելի է կրկնել՝ 5մգ/ժամ արագությամբ՝ չգերազանցելով 150մգ/օրական դեղաչափավորումը:

Ներերկայաին ինֆուզիայի համար լուծույթի պատրաստում. 1 սրվակը լուծել 100-500մլ ֆիզլուծույթում՝ ավելացնելով NaHCO3-ի 8,4% (0,5 մլ) կամ 4,2% (1 մլ) լուծույթ: Ներարկել միայն թափանցիկ լուծույթ:
Դիկլոտոնը արգելվում է ներարկել բոլյուսային ներարկման ձևով:

Պահպանում. Պահպանել 25°C ջերմաստիճանից ոչ բարձր պայմաններում: Չսառեցնել:
Փաթեթավորում. Դիկլոֆենակ նատրիում 75մգ/3մլ, N5 սրվակներ՝ ներդիր-թերթիկով ստվարաթղթե տուփի մեջ:
Արտադրող. «Մեդոքեմի» ՍՊԸ, Կիպրոս: